AGENDA SEMPITERNA 2025 (eusk.)

Beste urte batez, Dordoka bizkaitar inprimategiak egindako 2025eko Agenda Sempiterna iritsi zaigu. Proiektu hau, oso ezaguna da gure artean, "Zuk Zeuk Egin" (D.I.Y.) argitaletxe anitzek geure lanak bertan argitaratu baititugu. Azal gogorrean eta A3 tamainan eginda, oso atsegina da ikusmenarentzat, diseinu bikaina duelako. Landareen eta zuhaixken irudi ederrek urteko hilabete guztiak osatzen dituzte. Hutsune zabalak dituen orrialdeek gure oharrak egiteko erraztuko digute. Azken batean, agenda bat ez ezik, dietario bat ere bada. Hilekoaren eta ilargiaren egutegia ere dakarkigu. Eta hau gutxi balitz bezala,  haziak landatzeko gutun-azal bat ere dakar. Eta sarreran, urtaroei buruzko artikulu luze bat, ongi etorria emateko. Gazteleraz ere eskuragarria.