SUAIA – Su eman ala hartu (Cd + Fanzine)

Gorka Suaia (Kodigo Norte, Esne Beltza, Askapen Sound Sistema, Suaia eta Lahaine, Suaia eta Ama Rebel…), duela hamarkada bat baino gehiago Bilbon bizi den Gasteizko abeslari eta ekoizlea, LP batekin bueltan da. Bost urte igaro dira azkenekotik, Suaia eta Ama Rebelekin, 2020tik geldirik dagoen taldea, argitaratu zuen Raggamuffin Kamarada hartatik. Su Eman ala Hartu hamaika abestiz osatuta dago eta bertan hip-hopa eta reggaea dira nagusi, baina rap-rock, funky-rap edo trap estiloetarako ere tartea badago. Ekoizpen musikalaren atalean, Suaia bera dugu Askapen Sound ezizenez, Kostako Beats, Komadü edo Rlantz, eta ahots-kolaborazioetan Mateo Zikuta eta Patricia Reckless. Diskoa Euridia estudioan grabatu, nahastu eta masterizatu dira, Ibon Larruzea soinu ingeniariaren eskutik. Diskoa plataforma digitaletan entzun daiteke dagoeneko eta musikariaren Bandcamp orrian deskargatu. Euskarri fisikoari dagokionez, CD formatuan argitaratuko da fanzine batekin batera, azken hau, diskoan jorratzen diren gaietan gehiago sakontzeko asmoz. Pack hau datorren astetik aurrera DDT Banaketaken aurkitu dezakezue.