Gasteizko Gaztetxea 30 urte

Euskal Herriko gaztetxerik zaharrenetarikoa da Gasteizko Gaztetxea. 30 urte betetzea ez da gauza makala eta data borobil hori ospatzeko eta gogorazteko liburu nahiko lodia argitaratu dute. Gasteiz Hiriko Alde Zaharrean kokatzen den lokal okupatu honen historia aurki dezakegu orrialde hauetan: aro guztiak, ekitaldiak, kontzertuak, jarduerak, Poliziaren «bisitak», Udalarekin tirabirak, herritarren babesa…. Azken berrogeitahamar orrialde kolorezko irudiz josita datozkigu (argazkiak, kartelak, pegatinak,…) Izugarrizko lana, dudarik gabe.